tg-me.com/qassad19/8629
Last Update:
*********
أنه سكينه يوالينه الأجل جاني
******************************
يبو السجاد الحزن يزداد وكت موتي
بقايه الروح عليك تنوح استمع صوتي
بلا وليان ولاخوان اعله تابوتي
يبويه حسين حنانك وين تلكاني
******************************
عشت غربه انفطر كلبه سواد الليل
اعله دمعاتي اعله وناتي وعله الياويل
شهود هواي الكمر وياي ونجم سهيل
الزمان يدور ويهل عاشور إويه احزاني
*******************************
يتيمه بقيت شكثر حنيت الألم بيه
ذبحني الشوك الكلب محروك شعمل بيه
اعله عبد الله الدمع يحله وعله ارقيه
كضه عمري وبقه قهري عله اخواني
*******************************
بشهر عاشور فكدت ابدور بقيت انعي
كضه العاشر وبقه الحافر حفر ضلعي
زماني الراح حزن ونياح صرت ادعي
تلاكيهم وتمر بيهم يدفاني
*******************************
بليالي الشام هضم وآلام بلا كافل
بضرب المتون بجينه عيون يبو فاضل
نون ونبات عله الناكات بدمع هامل
يهضمونه ويشتمونه يولياني
*******************************
ردت يحسين تغمض العين تجي يمي
اعله ذرعانك اعله احضانك اطش همي
عكب عيناك سبونه اعداك يبعد امي
اشم نحرك واحب صدرك واموت آني
********************************
أم علي
BY قصائد حسينيه وألحانها
Warning: Undefined variable $i in /var/www/tg-me/post.php on line 280
Share with your friend now:
tg-me.com/qassad19/8629